Иҫтәлекле даталар

23 март – Башҡорт Автономиялы Совет Социалистик Республикаһы төҙөлөүгә 100 йыл

1919 йылдың 20 мартында Үҙәк Совет хөкүмәте менән Башҡорт хөкүмәте араһында Башҡортостан Совет автономияһы тураһында килешеү төҙөлә. Был тарихи килешеүгә Башҡорт хөкүмәте яғынан Мөхәмәтхан Ҡулаев, Муллайән Халиҡов һәм Әбдрәшит Бикбауовтар ҡул ҡуя. Ошо килешеү менән Совет власы Башҡортостандың автономия хоҡуҡтарын таный, икенсе һүҙ менән әйткәндә, башҡорт халҡы автономия хоҡуҡтарын яулай.

Был тарихи документ 23 март көнө Совет хөкүмәтенең матбуғат органы булған “Известия ВЦИК” гәзитендә баҫылып сыға һәм үҙенең законлы көсөнә инә.