Алданмағыҙ!

Ялған аҡсаны таныр өсөн кәм тигәндә өс хәүефһеҙлек билдәһен тикшерергә кәрәк. Уны яҡтылыҡҡа ҡуйып, тотоп һәм ауыштырып ҡарап белергә була.
— Аҡса алмаштырыуға риза булғандар үҙҙәренең аҡсаһы урынына ялғанын аласаҡ, сөнки ысынбарлыҡта купюраларҙы мотлаҡ алмаштырырға тигән фарман юҡ һәм булмаясаҡ та. Сифатын яҡшыртыу һәм ялғанынан һаҡланыу өсөн банкноталар ваҡыты-ваҡыты менән яңыртылып тора. Һуңынан яңы өлгөләр иҫкеләре менән бергә әйләнештә йөрөй. Купюралар туҙған осраҡта тәбиғи рәүештә алмаштырыла, – тип асыҡлыҡ индерә Милли Банктың Башҡортостан Республикаһы буйынса бүлексәһе эксперты Ольга Зарипова.
Банкноталарҙың бөтә характеристикаһы менән тулыраҡ Рәсәй Банкы сайтында (vk.cc/cpW94H) һәм «Рәсәй Банкы банкноталары» мобиль ҡушымтаһында (vk.cc/co4mDw) танышырға мөмкин.
Шулай уҡ яңы мутлашыу схемаһы – яҡындарығыҙҙың тауышы менән һөйләү хаҡында уҡығыҙ.