Башҡортостанда бөтә трассалар асылды

Башҡортостанда юлдарҙағы барлыҡ сикләүҙәр ғәмәлдән сығарылды. Хәрәкәт штат режимында башҡарыла, тип хәбәр итә республика Ғәҙәттән тыш хәлдәр министрлығының матбуғат хеҙмәте.

Хәтерегеҙгә төшөрәбеҙ, көслө ҡар яуыуы һәм боҙлауыҡ булыуы сәбәпле Өфө — Инйәр — Белорет трассаһында (Архангел, Белорет райондарында) йөк һәм пассажирҙар транспорты өсөн юл ябылды.

Шулай уҡ кисә көндөҙ М-5 «Урал» трассаһында, Иглин районында 1452-1548 километр, Силәбе өлкәһендә 1548-1835 километр арауығында ваҡытлыса юл хәрәкәте сикләнде.

https://www.bashinform.ru/news/social/2024-11-11/v-bashkirii-otkryli-vse-trassy-4002484