Республикала еңел атлетика манежы, Бокс үҙәге һәм Теннис академияһы төҙөлә

Башҡортостанда еңел атлетика манежы менән спорт комплексы, Бокс үҙәге һәм Теннис академияһы төҙөлә. Республика етәксеһе Радий Хәбиров хөкүмәттең оператив кәңәшмәһендә ошо турала белдерҙе.

«Беҙ Рәсәй Президентына еңел атлетика манежын төҙөүҙә ярҙам күрһәтеүҙе һорап мөрәжәғәт иттек, был проект әһәмиәте яғынан Көрәш һарайынан һуң икенсе урында тора. Бокс үҙәге һәм Теннис академияһы ла кәрәкле объекттар», — тине Хәбиров.

Башҡортостан Башлығы билдәләүенсә, идара итеү командаһының төп бурыстарының береһе — балаларға спорт менән бушлай шөғөлләнеү мөмкинлеген тәьмин итеү.

Хәбәр иткәнебеҙсә, Башҡортостан спорт объекттарын төҙөү темптары буйынса илдә лидер тип танылды.

https://www.bashinform.ru/news/sport/2024-11-18/v-bashkirii-postroyat-legkoatleticheskiy-manezh-tsentr-boksa-i-akademiyu-tennisa-4013186