Юлдар ремонтлана башлай

2025 йылда төбәк һәм муниципаль әһәмиәттәге ниндәй проблемалы участкалар тәртипкә килтереләсәге хаҡында Бәләбәй районы хакимиәтенең төҙөлөш һәм юл хужалығы бүлеге начальнигы Зилә Советникова һөйләй:  
– «Йәшәү өсөн инфраструктра» милли проекты сиктәрендә Башҡортостан Республикаһы Юл хужалығы идаралығы хеҙмәтләндергән Аксенов – Аксаков – Бәләбәй автомобиль юлының (36 км-ҙан 39, 419 км-ға тиклем) 3,419 км өлөшө ремонтланасаҡ.

БР Юл хужалығы идаралығы шулай уҡ Бәләбәй – Приют юлының (11,100 км-ҙан 17,600 км-ға тиклем) 6,5 километрлы өлөшөнә асфальт түшәү планда бар, ә тағы ошо уҡ юлдың 4,5 километрҙан 10,4 км тиклемге участкаһын ремонтлау күҙаллана.

Бәләбәй – Өҫән-Ивановка юлының авариялы өлөшөнә (20-нән 23 км-ға тиклем) ҡырсынташ түшәләсәк. Бәләбәй – Иҫке Семенкин – Ҡаңны-Төркәй автомобиль юлының бер өлөшөнә (2-нән 3 км-ға тиклем) шулай уҡ асфальт түшәү ҡаралған.

Светлана Шириня.

Фото «БИ» архивынан