Механизаторҙар яҙғы сәсеүгә әҙерләнә башлай – техника ремонтлай. Малсылыҡта эшләгәндәрҙең яуаплылығы тағы ла арта. Малдарҙы иҫән-имен ҡышлатып сығарырға кәрәк. Февралдә һыйырҙар күпләп быҙаулай башлай. Уларҙы ла ҡарарға кәрәк.
Бөгөнгә Бәләбәй районының ауыл хужалығы предприятиеларында 120 һыйыр быҙаулаған, крәҫтиән-фермер хужалыҡтарында – 174. Был эш К. Иванов исемендәге хужалыҡта йылдамыраҡ бара. Бында 300 баш һыйырҙың 46-һы быҙаулаған. «Миранда» йәмғиәтендә әлегә – 33 быҙау.
Район хакимиәтенең ауыл хужалығы хеҙмәтенән хәбәр итеүҙәренсә, малдарҙы ҡышлатыу һәйбәт бара, аҙыҡ етерлек.
Фотолар К. Иванов исемендәге хужалыҡтан