Мортаза Рәхимовтың исеме мәңгеләштерелә

Уның исеме 3-сө Башҡорт республика гимназия-интернатына һәм Мораҡ ауылындағы Башҡорт гимназияһына биреләсәк.

Бынан тыш, республика Хөкүмәте республика белем биреү учреждениеларының береһенә Мортаза Рәхимовтың исемен биреү буйынса тәҡдимдәр индерергә тейеш, ә Өфө хакимиәте – баш ҡала үҙәк урамдарының береһенә.

Өфөлә шулай уҡ Башҡортостандың беренсе Президентына һәйкәл һәм Мортаза Рәхимов йәшәгән йортта мемориаль таҡтаташ, ә уның тыуған ауылында - Күгәрсен районы Тәүәкәндә музей барлыҡҡа киләсәк.

Республиканың Милли музейында республиканың беренсе Президенты эшмәкәрлеге тураһында материалдар йыйыу, ә Мортаза Ғөбәйҙулла улының тыуыуына 90 йыл тулыу уңайынан уның тураһында биографик энциклопедия сығарыу башлана.