«Уйнаһын ҡурай, яңғыраһын телебеҙ!»

Халҡыбыҙҙың телен, мәҙәни ҡиммәттәрен һаҡлауға һәм популярлаштырыуға арналған бай йөкмәткеле сараға ҡаланың медицина колледжы студенттары саҡырылған. «Урал батыр» милли-мәҙәни һарайының «Ләйсән» башҡорт йыры халыҡ ансамбленең ҡатнашыуы сараға ҙур мәртәбә өҫтәгән. Моңло йырсыбыҙ Эльмира Маликованың, ҡурай һәм ҡубыҙ оҫтаһы Марат Кәлимуллиндың яңғыҙ сығыштары йәм өҫтөнә йәм булған. Ә инде ләйсәндәрҙең «Дуҫлыҡ» вокаль ансамбленең йәш солисы Әминә Ғәбделхәлимова менән бергәләп башҡарған «Башҡорт телендә һөйләшәм» йыры сараның иң юғары нөктәһе булған.

Әҙәби-музыкаль сәғәт колледж студеттарында онотолмаҫләҡ тәьҫораттар ҡалдырған.

Фотолар милли-мәҙәни һарайҙан