Бәләбәй колбасалары «алтын» булып сыҡты

Конкурста 48 муниципаль берәмектән 118 бренд, 269 етештереүсе ҡатнашты. ВДНХ ЭКСПО-ла үткәрелгән «Яңы йыл аҙыҡ-түлек йәрминкәһе» сиктәрендә «Беҙҙең бренд» тәмләп ҡарау сараһы ойошторолдо. 10 номинация буйынса еңеүселәр билдәләнде. Улар алтын, көмөш, бронза миҙалдар һәм дипломдар менән бүләкләнде.

Ҡатнашыусылар араһында Бәләбәйҙән ит ризыҡтары етештереүсе ағалы-энеле Черненколар ҙа бар ине.

– Беҙ конкурсҡа үҙебеҙ етештергән 15 төр ит ризғы ҡуйҙыҡ, – тип һөйләй Илья Черненко. – Беҙҙең продукцияны ҡулланыусыларҙың оҡшатыуы күңелле. Улар ыңғай баһалаған.  

Ә жюри Бәләбәйҙә етештерелгән ике төр колбасаға алтын миҙал биргән.

Гөлнара Мурзина материалы буйынса Зөлфиә Ғарифуллина әҙерләне