«Йыл ғаиләһе» Бөтә Рәсәй конкурсының республика этабы уҙғарыла

Быйыл конкурс ете номинация буйынса үткәрелә: «Алтын ғаилә»; «Ауыл ғаиләһе»; «Күп балалы ғаилә»; «Традицияларҙы һаҡлаусы ғаилә»; «Ватанды һаҡлаусы ғаилә», «Спорт ғаиләһе» һәм «Тәрбиәгә бала алған ғаилә».

«Алтын ғаилә», «Ауыл ғаиләһе», «Күп балалы ғаилә», «Традицияларҙы һаҡлаусы ғаилә», «Ватанды һаҡлаусы ғаилә» номинациялары буйынса конкурстың республика этабында еңеүселәр федераль этапта республика исеменән сығыш яһай. Йыл һайын федераль этапта еңеүселәр иҫәбендә Башҡортостандан ғаиләләр бар. Бөтә Рәсәй конкурсы еңеүселәрен бүләкләү тантанаһы йыл һайын Кремлдә үтә. Әлеге ваҡытта конкурстың муниципаль этабы үтә, ул 25 апрелгә тиклем дауам итә. Конкурсты Башҡортостан Республикаһында Ҙур һәм татыу ғаилә йылында уҙғарыу – беҙҙең йәш быуын өсөн өлгө булып торған ҙур һәм татыу, күп быуынлы, әүҙем, уңышлы ғаиләләрҙең күпме булыуын һөйләү мөмкинлеге ул. Конкурсты үткәреү тураһында положение менән министрлыҡтың рәсми сайтында танышырға мөмкин: https://clck.ru/3SiwTP