Иң яҡшы оҫталар иҫәбендә

Фестиваль 2 июлдән 5-нә тиклем Вологда өлкәһендә, Рәсәй Геройы Юрий Воробьёв исемендәге «Корабелы Прионежья» белем биреү үҙәгендә үтте.

Конкурс буйынса һайлап алыу еңелдән булмаған. Һайлап алыу этабында Рәсәйҙең 82 төбәгенән һәм Беларусь Республикаһынан 140 мең уҡыусы ҡатнашҡан. Финалға илдең 25 субъектынан 200 вәкил генә сыға.

Фестивалдә Карина һаламдан аппликация техникаһында башҡарылған «Ләлә-Тюльпан мәсете» һәм «Бейеүсе пар» эштәрен тәҡдим итә. Картиналар «Биҙәү-ҡулланма ижады» номинацияһында еңгән.

Бынан тыш, уҡыусы сараны ойоштороусыларҙың оҫталыҡ дәрестәрендә әүҙем ҡатнашҡан һәм еңеүселәрҙең күргәҙмәләрен ҡараған.

– Иң ныҡ иҫтә ҡалғаны халәт булды: кешеләр яныбыҙға килеп, оҙаҡ ҡына эштәрҙе ҡараны, картиналар һәм тыуған төйәгебеҙ тарихы тураһында һорашты. Шулай уҡ башҡа ҡалаларҙан килгәндәр эштәре менән хәтерҙә ҡалды. Улар мине эшемде дауам итергә һәм бирешмәҫкә илһамландырҙы. Алынған һөҙөмтә өсөн остазым Лариса Викторовна Гуроваға айырыуса рәхмәтлемен. Унһыҙ фестивалдә ҡатнаша алмаҫ инем, – тине Карина.

Фотолар: К. Бикмөхәмәтова архивынан