Күпер киңәйтелә

Ул Бәләбәй – Иҫке Семенкин – Ҡаңны-Төркәй автомобиль юлында урынлашҡан. Эштәрҙе «СЭНАРДЖИ-Өфө» йәмғиәте башҡара.

– Күпер аҫтындағы конструкцияларҙы нығыттыҡ. Әле уны киңәйтеү өҫтөндә эшләйбеҙ. Элек күперҙең киңлеге ете метр булһа, хәҙер һигеҙгә еткерәбеҙ, – тип һөйләне беҙгә прораб Фәүзи Башмаков. – Был күпер аша сыҡҡанда юл хәрәкәте хәүефһеҙлеген тәьмин итәсәк.

Ремонт эштәрен тамамлау быйыл 15 ноябргә тәғәйенләнгән. Әммә күпер төҙөүселәр объектты иртәрәк, октябрҙә үк тапшырырбыҙ, тип өмөтләндерәләр.

Елена Петрова фотолары