Конкурс 2022 йылдың 12 октябренән 30 ноябренә тиклем ике этапта уҙғарыла: һайлап алыу (муниципаль) һәм һуңғы (республика). Сара иң яҡшы эшҡыуарлыҡ тәжрибәләрен һәм ҡаҙаныштарын популярлаштырыуға, Башҡортостан Республикаһының социаль-иҡтисади үҫешенә өлөш индергән иң уңышлы бәләкәй һәм урта эшҡыуарлыҡ субъекттарын асыҡлауға һәм дәртләндереүгә йүнәлтелгән.
Һайлап алыу (муниципаль) этабын 2022 йылдың 12 октябренән 31-енә тиклем муниципаль район һәм ҡала округтары хакимиәттәре үткәрә. Һайлап алыу турында еңеүселәр өсөн аҙаҡҡы (республика) этаптың ғариза кампанияһы 2022 йылдың 1-11 ноябрендә үтә. Бүләкләү тантанаһы 2022 йылдың декабрендә үтә.
Конкурсанттарҙың эшмәкәрлеге 2020-2021 йылдарҙың эш һөҙөмтәләре буйынса баһалана. Конкурс йомғаҡтары буйынса түбәндәге һәр номинацияла бер еңеүсе билдәләнә:
– етештереү (бәләкәй (микро) предприятие; - ауыл хужалығы; - күмәртәләп һәм ваҡлап сауҙа итеү; - туризм; - бизнес өсөн консалтинг хеҙмәттәр; - көнкүреш хеҙмәттәре; - инновациялар һәм яңы технологиялар; төҙөлөш; IT һәм һанлы технологиялар; - транспорт, транспорт логистикаһы һәм автосервис хеҙмәттәре; - халыҡ-художество кәсептәре; - йәмәғәт туҡланыуы; – йәш эшҡыуар (шәхси эшҡыуар йәки 35 йәшкә тиклемге ойошма етәксеһе); - ғаилә бизнесы;- йылдың ҡатын-ҡыҙҙар проекты; - йылдың социаль эшҡыуары.