Комсомол быуаһы ярында Бәләбәй муниципаль районы хакимиәте, Донской ауыл советы ауыл биләмәһе, ауыл клубы, « Автонормаль» заводы, ҡаланың һөт комбинаты һәм Туймазы идаралығы хеҙмәткәрҙәре йыйылды.
Ике сәғәттән артығыраҡ ваҡытта экоактивистар ике километрҙан ашыуыраҡ яр буйынан ял итеүселәр ҡалдырған бер арба сүп-сар: быяла һәм пластик шешәләр, полиэтилен ҡапсыҡтар, ҡағыҙ йыйҙы.
Туймазы территориаль идаралығы начальнигы Азат Кәримов әйтеүенсә, дәүләт флагы – дөйөм берҙәмлек символы, Комсомол быуаһында дәүләт флагы көнөндә уҙғарылған экологик акция Бәләбәй районының муниципаль учреждениелар һәм сәнәғәт предприятиелары хеҙмәткәрҙәрен берләштерҙе.
– «Рәсәй һыуы» акцияһының маҡсаты – тәбиғәттә граждандарҙың үҙҙәрен тотоу, йәшәү эшмәкәрлеге ҡалдыҡтары менән дөрөҫ мөғәмәлә итеү мәҙәниәтен формалаштырыу. Ял иткәндән һуң кешеләр яр буйында сүп-сар ҡалдырырға тейеш түгелдәр. Туймазы идаралығының экологик хеҙмәте мәктәп уҡыусылары һәм халыҡ араһында сүп-сарҙы айырып йыйыу һәм тирә-яҡ мөхитте бысратмау йәһәтенән даими рәүештә ағартыу эше алып бара. Бындай эштең ыңғай һөҙөмтә бирәсәгенә ышанабыҙ, – тип һүҙен йомғаҡланы Азат Юнир улы.
Күңел һалып башҡарылған һәр эш һәр саҡ кешеләр һәм илебеҙ файҙаһына булһын!
Мила Любченко материалы буйынса.
Автор фотолары