+10 °С
Облачно
Милли проекттар
22 Апреля , 06:00
Башҡортостанда 2026 йылда Бәләбәйгә илткән юл ремонтланасаҡ
«Тормош өсөн инфраструктура» милли проекты сиктәрендә юлсылар Бәләбәй районында Аксенов – Аксаков – Бәләбәй йүнәлешендәге 3,5 саҡрымлыҡ участкала асфальт-бетон япмаһын яңыртасаҡ. Һүҙ 3,5 километр оҙонлоҡтағы Аксенов – Аксаков – Бәләбәй юл участкаһы хаҡында бара. Ремонт республиканың Бәләбәй районында үтәсәк.
Башҡортостанда 2026 йылда Бәләбәйгә илткән юл ремонтланасаҡ
«Был йүнәлеш 130 мең самаһы кеше йәшәгән Бәләбәй һәм Әлшәй райондарында йәшәүселәргә транспорт бәйләнешен тәьмин итә, – тип асыҡлыҡ индерҙе Башҡортостандың Транспорт министрлығы башлығы Любовь Минакова. - Был юлдан бәләкәй ауылдарҙа йәшәүселәр Бәләбәйгә бара, ҡала үҙенең тарихи биналары, ғибәҙәтханалары менән йәлеп итә. Юлда тәүлегенә 4,5 меңдән ашыу автомобиль йөрөй».
Юлдың был участкаһында бөтә ремонт эштәрен 2026 йылдың аҙағына тиклем тамамлау планлаштырыла.
Хәтерегеҙгә төшөрәбеҙ, быйыл «Тормош өсөн инфраструктура» милли проекты буйынса республикала 200 саҡрымға яҡын юлды һәм 15 күперҙе ремонтлау күҙаллана.
Фотолар: Башҡортостан хөкүмәте
Башҡортостанда 2026 йылда Бәләбәйгә илткән юл ремонтланасаҡ
