Бөтә яңылыҡтар
Социаль яҡлау
22 Декабрь 2022, 16:00

Башҡортостанда пенсионерҙар уҡыуға һәм спорт менән шөғөлләнеүгә сертификат алырға мөмкин

Республика пенсионерҙары уҡыуға, спорт менән шөғөлләнеүгә йәки ял итеүгә сертификат алырға мөмкин. Быйыл Башҡортостанда һынау рәүешендә эшләй башлаған проект бик уңышлы булып сыҡты.

Башҡортостанда пенсионерҙар уҡыуға һәм спорт менән шөғөлләнеүгә сертификат алырға мөмкин
Башҡортостанда пенсионерҙар уҡыуға һәм спорт менән шөғөлләнеүгә сертификат алырға мөмкин

Ике айҙа 400-ҙән ашыу кешегә сертификат бирелгән, тип хәбәр итте республиканың ғаилә, хеҙмәт һәм халыҡты социаль яҡлау министры Ленара Иванова.

Сертификаттың хаҡы – 2 мең һум. Уның менән йога, дауалау физкультураһы, тын алыу гимнастикаһы, бейеү, һанлы грамоталылыҡ, инглиз теле дәрестәре һәм башҡалар өсөн түләргә мөмкин. Ололар йүнәлеште үҙҙәре һайлай.

Сертификат алыу өсөн ғариза менән республиканың халыҡҡа социаль ярҙам күрһәтеү үҙәге филиалдарына йәки күп функциялы үҙәктәргә мөрәжәғәт итергә кәрәк. Сертификат өсөн бер ниндәй ҙә өҫтәмә документтар талап ителмәй.

Башинформ

Автор:
Читайте нас: