-8 °С
Болотло
Бөтә яңылыҡтар
Туризм
26 Июнь 2018, 19:15
Аксаков рәссамдарҙы йыйҙы
Өфө, Бәләбәй, Ишембай, Күмертау, Приют эшселәр ҡасабаһынан егерме рәсем сәнғәте оҫтаһы һәм Ҡазандан, Алабуғанан ҡунаҡтар биш көн буйы Надеждин ауылы тирә-яғында үҙҙәренең ижади эше менән мәшғүл булды. Уларҙың мольберттарында пейзаждар һәм этюдтар тыуҙы, ҡылҡәләм оҫталары эштәрендә урындағы тәбиғәтте һәм билдәле яҙыусы, йәмәғәт эшмәкәре Сергей Тимофеевич Аксаковтың һәм уның ғаиләһенең утарын һынландырҙы.
Бәләбәй районы намыҫын Римма Әйүпова, Альберт Хәбибуллин (Бәләбәй), Лилиә Әхмәҙуллина, Юлия Полякова менән Николай Ершов (Приют) яҡланылар.
Бер кисәлә Аксаковтар ғаиләһе йорт-музейының Йәшел ҡунаҡханаһында рәссамдар өсөн камерный музыка – Сергей Тимофеевичтың бүләһе, Рәсәйҙең билдәле композиторы Сергей Аксаковтың инструменталь пьесалары яңғыраны. Константин Аксаковтың шиғриәте, Рахманиновтың һәм Элгарҙың элегиялары күңелдәргә үтеп инде.
“Көмөш шишмә-2018” арт-пленеры Кәсептәр йортонда ҡатнашыусыларҙың эштәренән күргәҙмә һәм еңеүселәрҙе бүләкләү тантанаһы менән тамамланды.
– Беҙҙең хозур һәм йәмле яҡ рәссамдарҙы һәр саҡ үҙенә тарта, – тип һөйләй Тарих-тыуған яҡты өйрәнеү музейының художество галереяһы мөдире, Башҡортостан Республикаһының көнбайыш рәссамдар ижади союзының Бәләбәй районында вәкиллеге башлығы Альберт Хәбибуллин. – Пленерҙа ҡатнашыусылар бәләбәйҙәргә ҡунаҡсыллыҡтары өсөн рәхмәт белдерҙе. Һоҡланғыс музыка, илһам, Аксаков йәйенең ҡабатланмаҫ миҙгелдәре – быларҙың барыһы ла яңы картиналар, ижадта яңы ҡаҙаныштар.
Анна Лапина
Новости партнеров