Демографик хәлде яҡшыртыу өсөн

Республика демографик хәлде яҡшыртыуға 15,2 миллиард һум аҡса йүнәлтә.

Был яҡынса 15,2 миллиард һум өҫтәмә финанслау күләме менән 150 сара. Башҡортостан Башлығы Рөстәм Хәмитов тарафынан раҫланған республиканы йылдам социаль-иҡтисади үҫтереүҙең комплекслы планы шундай.

Башҡортостан Иҡтисади үҫеш министрлығының матбуғат хеҙмәте мәғлүмәте буйынса, ошо аҡсаға демографик хәлде яҡшыртыуға, Рәсәй Президентының «май» Указдарын тормошҡа ашырыу барышында хеҙмәт мөнәсәбәттәрен үҫтереүгә, республикала уңайлы инвестиция мөхите булдырыуға, дәүләт милкен файҙаланыуҙың һөҙөмтәлелеген арттырыуға йүнәлтелгән һәм башҡа сараларға ярҙам күрһәтеү ҡаралған.