Әсәлек өсөн миҙал...

Башҡортостан Хөкүмәтендә күп балалы әсәләрҙе бүләкләү тантанаһы уҙҙы.

Республика Башлығы Рөстәм Хәмитовтың Указына ярашлы, күп балалы 45 әсәгә – мәғариф, мәҙәниәт, ауыл хужалығы хеҙмәткәрҙәре, һатыусылар һәм йорт хужабикәләре – юғары награда тапшырылған.

Бүләкләнгәндәр араһында Бәләбәй районынан да вәкилдәр бар. Аксаков ауыл советы ауыл биләмәһенең Надеждин ауылынан Надежда Витальевна Саттарова (6 бала, хужабикә), Наталья Васильевна Хәмидова (5 бала, хужабикә); Максим Горький ауыл советы ауыл биләмәһенең М. Горький исемендәге тоҡомсолоҡ заводының Үҙәк усадьба ауылынан Светлана Вячеславовна Шаймарҙанова (5 бала, “Флагман” йәмғиәтендә һатыусы булып эшләй) “Әсәлек даны” миҙалына лайыҡ булды.

Әнисә Ғәҙелшина