«Мостай. Бер ҡасан да булмаған интервью»

Өфөлә «Мостай. Бер ҡасан да булмаған интервью» китап-альбомының исем туйы була. Сара 6 ноябрҙә Башҡорт дәүләт опера һәм балет театрында уҙа.

Баҫма Башҡортостандың халыҡ шағиры, башҡорт яҙыусыһы, шағир, драматург, йәмәғәт эшмәкәре Мостай Кәримдең 100 йыллығы алдынан донъя күрҙе (1919-2005). Китапты Мостай Кәрим исемендәге фонд ярҙамында «Инеш» нәшриәте сығарған. Китаптың исем туйында республика етәкселеге вәкилдәре, танылған әҙәбиәт, мәҙәниәт эшмәкәрҙәре, Мостай Кәрим исемендәге фондтың грантына лайыҡ булғандар ҡатнаша. Мостай Кәрим исемендәге Миллли йәштәр театры актерҙары ҡунаҡтарға шиғри композиция әҙерләй.

Китапты «Инеш» нәшриәтендә һәм «Китап» нәшриәтенең фирма магазинында һатып алырға мөмкин.