Бүләккә – йәмәғәтселек таныуы

Йыл һайын ҡышҡы каникулда бында уҡыу һәм ижади хеҙмәт һөҙөмтәләренә йомғаҡ яһала. Балалар өсөн дә, остаздары өсөн дә уларҙың ҡаҙаныштары тураһында барыһының да белеүе, ә һөнәри эшмәкәрлектәрендә юғары үрҙәр яулаған һәм ихтирамға лайыҡ булған кешеләрҙең баһа биреүе айырыуса ҡәҙерле.

Башҡорт гимназия-интернатына “Киләсәккә – аманат” байрамына был көндө Башҡортостан Республикаһы Бәләбәй муниципаль районы Мәғариф идаралығы начальнигының тәрбиәүи эш һәм дөйөм мәсьәләләр буйынса урынбаҫары Лилиә Дутова, “Бөтә донъя башҡорттары ҡоролтайы (конгресы)” халыҡ-ара йәмәғәт берләшмәләре союзы аппараты етәксеһе Рөстәм Баянов, Бәләбәй ҡалаһының почетлы гражданы, хеҙмәт ветераны, Башҡорт АССР-ының атҡаҙанған нефтсеһе, Рәсәйҙең атҡаҙанған торлаҡ-коммуналь хужалығы хеҙмәткәре Риф Ғәзизов; Башҡортостан Республикаһының мәғариф отличнигы, БР-ҙың атҡаҙанған уҡытыусыһы, Рәсәйҙең мәғариф отличнигы Светлана Ғәзизова; донъяның виртуоз ҡубыҙсыһы, БР-ҙың атҡаҙанған мәҙәниәт хеҙмәткәре, Шәйехзада Бабич исемендәге республика йәштәр премияһы лауреаты, БР-ҙың мәғариф отличнигы, “Өлгө ал!” республика конкурсы еңеүсеһе Миңлеғәфүр Зәйнетдинов; шағир-йырсы, БР-ҙың атҡаҙанған мәҙәниәт хеҙмәткәре, Татарстан Республикаһының атҡаҙанған сәнғәт эшмәкәре, Башҡортостан, Татарстан, Рәсәй Яҙыусылар һәм журналистар союздары ағзаһы Рәмил Сурағол; Рәсәйҙең спорт мастеры һәм Башҡортостандың каратэ буйынса күп тапҡырҙар чемпионы, каратэ буйынса Европа чемпионы Искәндәр Басареев һ.б. килде.

Гөлнара Мурзина