Нисә малай, нисә ҡыҙ тыуған?

Башҡортостанда 2018 йылдың 12 айында 22 807 ҡыҙ һәм 24 264 малай донъяға килгән. Был хаҡта «Башинформ» агентлығына республиканың Юстиция эштәре буйынса дәүләт комитетының матбуғат хеҙмәтендә хәбәр иттеләр.

Ведомствола билдәләүҙәренсә, республиканың 11 ҡала һәм районында ҡыҙҙар малайҙарға ҡарағанда күберәк тыуған. «Былтыр ЗАГС бүлектәрендә тыуыу тураһында 47 411 акт теркәлгән, был уҙған йылға ҡарағанда 2 258-гә аҙыраҡ. 17 334 сабыйҙың ғаиләлә беренсе, 18 855-е — икенсе, 7 917-һе — өсөнсө, 2 178-е — дүртенсе һәм 1 033-ө бишенсе булып тыуыуы теркәлгән. Бынан тыш, республикала ошо осорҙа 607 игеҙәк һәм 10 өс игеҙ бала донъяға ауаз һалған», — тип белдерҙеләр ведомствола.

Башинформ