Хуш, аналог телевидениеһы!

3 июндә Башҡортостанда аналог телевидениеһы эшмәкәрлеген туҡтата. Беренсе мультиплексҡа ингән “Рәсәй Башҡортостан” телеканалын да хәҙер миллионлаған кеше юғары сифатта ҡарай ала.

Пенсияһына өҫтәмә түләүҙәр алған хаҡлы ялдағылар һәм балаға пособие алған әҙ тәьмин ителгән ғаиләләр республиканың күп функциялы үҙәктәренә мөрәжәғәт итә ала. Улар өсөн цифралы телевидениены ҡарарға мөмкинлек биргән приставка алыу һәм уны телевизорға тоташтырып көйләү бушлай буласаҡ. Әйткәндәй, кәрәкле ҡоролманы хәҙер почта бүлексәләрендә лә һатып алырға мөмкин.

Әле республиканың күп фукциялы үҙәктәрендә был компенсацияны алыр өсөн ғаризалар ҡабул ителә башланы. Бының өсөн ни бары ғариза, паспорт, йәшәү урыны буйынса теркәлеү тураһындағы таныҡлыҡ, цифралы приставканы һатып алғандағы чек йәки квитанция, уның техник паспорты һәм банктағы иҫәптең реквизиттары кәрәк. Ғаризаларҙы 2019 йылдың 25 декабренә тиклем ҡабул итәләр.