Бәләбәй – парктарҙы төҙөкләндереү буйынса проекттар конкурсында еңеүсе

Башҡортостандан өс ҡала – Бәләбәй, Бөрө һәм Ишембай – федераль конкурста еңгән. Бәләкәй ҡалаларҙа һәм тарихи биләмәләрҙә уңайлы ҡала мөхите булдырыуға иң яҡшы проекттар Бөтә Рәсәй конкурсының федераль конкурс комиссияһы 2019 йылда 80 проектты еңеүсе тип билдәләне. Улар Рәсәй Федерацияһының 46 субъектынан. Конкурста еңеүселәр федераль бюджеттан 40-тан 85 миллионға тиклем субсидия аласаҡ.

2019 йылда конкурсҡа 77 субъекттан бөтәһе 330 заявка бирелгән. Проекттар 2019-2020 йылдарҙа тормошҡа ашырыласаҡ.