Бәләбәйҙә спорт тауарҙары сығарыу ниәтләнә. Проектты “АВАНТ” йәмғиәте тәҡдим итә.
Муниципаль район хакимиәтендә “Эшҡыуарлыҡ сәғәте”ндә инвесторға ер участкаһы бүлеү тураһында ҡарар сығарылды, финанслау ысулдары һәм инженер селтәрҙәрен төҙөү ваҡыты ҡаралды.
“АВАНТ” йәмғиәте инвестициялар проекты етәксеһе Артем Захаров проектты тормошҡа ашырыуҙың юл картаһы менән таныштырҙы һәм поливинилхлоридтан (ПВХ) гимнастика һәм массаж туптары етештереү өсөн ҡорамалдыр ҡайтарыу ваҡытын атаны.