Моноҡалалар үҫеше: яңы юлдар эҙләү

Тольятти ҡалаһының “Жигулевск үҙәне” технопаркында Бөтә Рәсәй форумы – Рәсәйҙең моноҡалаларын үҫтереү буйынса кәңәшмә уҙҙы. Унда РФ иҡтисади үҫеш министры Максим Орешкин, уның урынбаҫары Вадим Живулин, “ВЭБ. РФ” дәүләт үҫеш корпорацияһы рәйесе урынбаҫары, “Моноҡалалар үҫеше фонды” йәмғиәтенең генераль директоры Ирина Макиева, Һамар өлкәһе губернаторы Дмитрий Азаров, Рәсәй моноҡалалары башлыҡтары һәм властың иҡтисади үҫеш мәсьәләләренә яуаплы булған төбәк органдары етәкселәре ҡатнашты. “Бәләбәй” моноҡалаһынан форумға Бәләбәй муниципаль районы хакимиәте башлығы Азат Сәхәбиев етәкселегендәге делегация барҙы.

Кәңәшмә барышында монопрофилле иҡтисадлы территорияларҙың үҫеш мөмкинлектәре, “Моноҡалалар үҫеше” яңы дәүләт программаһы үҙенсәлектәре, моноҡалаларға ярҙам итеүҙе закондарға ярашлы көйләү, моноҡалаларҙа “Бәләкәй һәм урта эшҡыуарлыҡ” милли проектын тормошҡа ашырыу йәһәтенән фекер алышынды.

– Монопрофилле иҡтисадлы территорияларға ярҙам итеү буйынса фекер алышыуҙы бөтә моноҡалалар башлыҡтары һәм командалары менән асыҡ һөйләшеү рәүешендә уҙғарыу идеяһы ҡыҙыҡлы һәм файҙалы, тип билдәләйем, – тине муниципаль район хакимиәте башлығы Азат Сәхәбиев, форумдан алған тәъҫораттары менән бүлешеп. – Беҙҙең өсөн, муниципалитеттар вәкилдәре өсөн, был иң киҫкен мәсьәләләрҙе федераль кимәлдә ҡарау өсөн уникаль мөмкинлек булды. Беҙҙең бурыс – моноҡалаларға, уларҙың резиденттарына күрһәтелгән ярҙам сараларын мөмкин булған тиклем тулы файҙаланыу.

Бөгөнгә “Бәләбәй” моноҡалаһында һигеҙ резидент теркәлгән, әле эшләүсе резидент 168 эш урыны булдырҙы, 130 млн һум инвестициялар үҙләштерелде. Яңы резиденттар йәлеп итеү һәм моноҡалала яңы производстволар асыу буйынса эш дауам итә.

Римма Солтанова.

Зөлфиә Ғарифуллина тәржемәһе

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73