Бөтә яңылыҡтар
Туризм
29 Июль 2019, 11:57

«Үҙ республикаңды бел!» девизы аҫтында

Башҡортостандың Ҡырмыҫҡалы районы Тауһеңер ауылында журналистарҙың «Журфест» фестивале уҙҙы. Унда “Бәләбәй хәбәрҙәре” газетаһы хәбәрселәре лә ҡатнашты.

Быйыл сара «Үҙ республикаңды бел!» девизы аҫтында ойошторолдо. Башҡорт, татар, рус, сыуаш, мордва ихаталарында милли кейемдәге ҡыҙҙар ҡунаҡтарҙы үҙҙәренең традицион аш-һыуы менән һыйлаған. Теләге булғандар буҙа ҡойорға ла өйрәнгән.
Фестивалгә ошо көндәрҙә уҙғарылған Журналистар инфофорумы спикерҙары ла килгән. Улар күргәндәренән яҡшы тәьҫораттар алған. «Ведомости» гәзитенең «Карьера и менеджмент» рубрикаһы мөхәррире Юлиана Петрова әйтеүенсә, Башҡортостанда ҡыҙыҡлы нәмәләр бик күп, туризмды үҫтереү идеялары бихисап, ләкин Мәскәүҙә лә Башҡортостан, Өфө тураһында әлегә бик аҙ беләләр.
Зөлфиә Ғарифуллина
Читайте нас: