Айнур Бирғәлин – Башҡортостан мөфтөйө вазифаһына берҙән-бер кандидат

Өфөлә Башҡортостан мосолмандары Диниә назараты пленумының сираттағы ултырышында Башҡортостан Республикаһы мосолмандарының Диниә назараты рәйесе вазифаһына кандидатуралар күрһәтеү һәм раҫлау булды.

Осрашыуҙа Рәсәй мосолмандарының Диниә назараты һәм Рәсәй Мөфтөйҙәр советы рәйесенең беренсе урынбаҫары Рушан хәҙрәт Аббасов, республика Башлығы хакимиәте вәкилдәре ҡатнашты.

Асыҡ тауыш биреү йомғаҡтары буйынса, күпселек тауыш менән пленум мөфтөй вазифаһына берҙән-бер кандидатты, әлеге ваҡытта рәйес вазифаһын башҡарыусы Айнур хәҙрәт Бирғәлинды күрһәтергә ҡарар итте, тип хәбәр иттеләр Идаралыҡтан.

Бирғәлиндың кандидатураһы Башҡортостан Республикаһы мосолмандары Диниә назаратының VIII отчет-яңынан һайлау съезы делегаттарына ҡарауға тәҡдим ителә. Сара 16 октябрҙә Өфөлә «Башҡортостан» дәүләт концерт залында уҙасаҡ.

Зөлфиә Ғарифуллина әҙерләне

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73