Туймазы театры актерҙары «Сафа менән Сажиҙә» фильмында төшә

«Сафа менән Сажиҙә» картинаһы Мәхмүт Ғәләүҙең популяр «Мөһәжирҙәр» романы буйынса төшөрөлә. Фильмда XVIII быуаттағы ваҡиғалар һүрәтләнә. Сюжет мөхәббәт һәм психологик драма тураһында бәйән итә, аҙағында рус-япон һуғышы башлана.

Театрҙың матбуғат хеҙмәтенән хәбәр итеүҙәренсә, «Сафа менән Сажиҙә» фильмы – Татарстан менән Төркиәнең берлектәге продукты.

«Төрки донъяһы» Истанбул кинофестивале һәм Ҡазан халыҡ-ара мосолман киноһы фестивале араһында хеҙмәттәшлек тураһында килешеүгә ҡул ҡуйылғандан һуң уның өҫтөндә эшләү мөмкинлеге тыуҙы. Был – ошо хеҙмәттәшлек сиктәрендә беренсе ҙур проект.

Зөлфиә Ғарифуллина әҙерләне