Тамамланыуға бара

Бәләбәй муниципаль районы хакимиәтенең ауыл хужалығы хеҙмәте мәғлүмәттәре буйынса, 39 800 тонна иген һуғылған. Һәр гектарҙан алынған уңыш 17, 2 центнер тәшкил иткән. Май бирә торған үҫемлектәр (етен, рапс, гәрсис) 773 гектарҙа йыйылған (100%), шул иҫәптән етен 668 гектарҙа, тулайым уңыш – 650 тонна, уңдырышлылыҡ гектарынан уртаса 9, 5 ц. Көнбағыш 1 200 гектарҙа (33,3%) йыйылған, уңыш гектарынан уртаса 11, 5 ц.

Ужым культураларын 11 000 га майҙанда сәсеү ниәтләнгән, әлегә 8 900 гектарҙа сәселгән. Шуларҙың 4 900 га – ужым арышы, 1 800 – ужым бойҙайы, тритикале – 1000 га һәм ужым шипкәне – 1 200 га.

4319 тонна яҙғы һәм ҡуҙаҡлы культуралар орлоғо келәттәргә һалынған (100 %). Бөртөклө ужым культураларының күсмә фонды 1000 т тәшкил итә ( план буйынса 1860 т), күп йыллыҡ үләндәрҙеке – 40 т.

Ауыл эшсәндәре 15 800 га ерҙе туңға һөргән.

Римма Солтанова материалы буйынса Зөлфиә Ғарифуллина әҙерләне.

Фото асыҡ сығанаҡтарҙан алынды

#Башкортостан#Белебеевскийрайон#АПК