Башҡортса йәнһүрәттәр ҡарайбыҙ

Йәнһүрәттәр республикала быйыл старт алған «Балалар» проекты сиктәрендә төшөрөлгән. Башҡортостан Башлығы грантына тормошҡа ашырылған проект кескәйҙәргә башҡорт телен еңел һәм интуитив формала өйрәнеү өсөн онлайн-продукттар тыуҙырыуға йүнәлтелгән.

Байрамда ҡатнашыусы кескәйҙәр һәм ата-әсәләр хөкөмөнә ете минутлыҡ тәүге сығарылыш тәҡдим ителде. Йәнһүрәттең төп геройҙары – Айыу, Төлкө, Бүре һәм Бесәй башҡортса төҫтәр, һандар, хәрефтәр һәм һүҙҙәрҙе өйрәнә.

Балалар байрамында шулай уҡ кескәйҙәргә төрлө уйындар ойошторолдо, малай-ҡыҙҙар бер-береһе менән яҡындан аралаша, таныша алды.

Зөлфиә Ғарифуллина әҙерләне