Ауылда бәләкәй эшҡыуарлыҡҡа дәүләт ярҙамы 1 миллиард һум кимәлендә һаҡлана

«Милли проекттарҙы, грант программаларын һәм урындағы башланғыстарға ярҙам күрһәтеү программаһын тормошҡа ашырыу барышында ауылда бәләкәй эшҡыуарлыҡты үҫтереү өсөн беренсе тапҡыр 1 миллиард һум самаһы аҡса бүленде. Быйыл уларҙы финанслау элекке кимәлдә һаҡлана», – тип билдәләне Башҡортостан Ауыл хужалығы министрлығының матбуғат секретары Алмаз Ғәлимов.

Дөйөм алғанда, 2019 йылда республикала 108 ауыл хужалығы ҡулланыусылар кооперативы, 129 фермер хужалығы ойошторолған. Уларҙың ярҙамы менән ауылда 620 эш урыны булдырылған.

Бынан тыш, республиканың 33 фермер хужалығы һәм кооперативы техникаһын яңыртҡан һәм ҡорамалдар һатып алған.

Зөлфиә Ғарифуллина әҙерләне