Шағирҙың тыуған көнө

Рәми Ғарипов музейы Салауат районының Арҡауыл ауылында Рәми Ғарипов урамының 60-сы йортонда урынлашҡан.

Үлгәндән һуң, 1988 йылда Рәми Ғариповҡа Салауат Юлаев исемендәге дәүләт премияһы бирелә, ә 1989 йылда тыуған ауылы Арҡауылда, тыуған йорто урынында йорт-музейы асыла. Унда шағирҙың шәхси әйберҙәре, стена газеталары, портреттары һаҡлана. Йорт эргәһендә бюсы ҡуйылған.

Рәми Ғарипов музейының төп маҡсаты — килем алыу түгел, ә халыҡты уның тормош юлы, ижады менән яҡынданыраҡ таныштырыу.

Рәми Ғариповтың тыуған көнө айҡанлы, бөгөн Мәжит Ғафури исемендәге Башҡорт дәүләт академия драма театры “Февраль. Буран” спектаклен күрһәтә.