Республикала иң ҙур ҡояш электр станцияһы эшләй башланы

«Хевел» компанияһының Бөрйән ҡояш электр станцияһы эште айырым форматта һәм селтәрле станция сифатында алып барырға йыйына. 8 МВт ҡеүәтенә эйә туплаусы авария булған осраҡта энергия менән тәьмин итергә һәләтле. Был – энергия туплаусыларҙың ҡеүәте буйынса Европала иң ҙур электр станцияһы.

Станция Башҡортостан башлығы Радий Хәбиров ҡатнашлығында Өфөлә Рәсәй сәнәғәт форумын асыу тантанаһында тура эфирҙа асылды.

Эксперттар баһаһы буйынса, Бөрйән районындағы ҡояш электр станцияһы алыҫтағы райондарҙа электр менән тәьмин итеүҙең ышаныслылығын арттырыуҙан тыш, заманса энергия балансының ҡыҙыҡлы миҫалы булырға тейеш.