Ҡурайсы һәм йырсы тураһында

Биш райондың муниципаль этаптарҙа еңгән биш коллективы ҡатнашҡан фестивалдең девизы – «Һинең исемең кешеләр йөрәгендә».

Командалар тыуған ерҙәренең тарихын, башҡорт халҡының мәҙәниәтен һәм фольклорын лайыҡлы күрһәтте.

Тикшеренеү эштәренә ярашлы, улар үҙҙәре менән таныштырҙы, сәхнәлә уйнаны, флешмобтар үткәрҙе.

Башҡорт гимназия-интернатының «Аманат» фольклор төркөмө гимназияла һәм ҡалала данлыҡлы, мәртәбеле кеше – композитор, ҡурайсы, йырсы, Башҡортостандың атҡаҙанған мәҙәниәт хеҙмәткәре Булат Йәнекәев тураһында «Башҡорт халҡының мәҙәниәте үҫешенә өлөш индергән шәхес» постановкаһын күрһәтте.

Бәләбәйҙәр өсөнсө урын алып, конкурс-фестивалдең төбәк этабы призерҙары булды.

Зөлфиә Ғарифуллина әҙерләне