Террор акты әҙерләгән булған...

«РИА» мәғлүмәт агентлығы, Террорсылыҡҡа ҡаршы милли комитеттың мәғлүмәт үҙәгенә һылтанып, түбәндәгене хәбәр итә: ул көндә Башҡортостанда террор акты әҙерләүсе ҡораллы енәйәтсене тотоу операцияһы үткән.

Хоҡуҡ һаҡлау органдары хеҙмәткәрҙәре ҡораллы кеше китеп барған автомобилде туҡтатырға тырышҡан. Әммә ул ҡоралды һалып, туҡтарға тигән иҫкәртеүҙәргә буйһонмаған, ут асҡан. Атыш барышында енәйәтсене ҡоралһыҙландырғандар. Ул һәләк булған. Эргәһендә пистолет һәм ҡулланыуға әҙер шартлатҡыс табылған.

Террорсылыҡҡа ҡаршы милли комитет ваҡиға урынынан видеояҙма ла баҫтырған. Унда енәйәтсенең машинаһын хоҡуҡ һаҡлау органдары хеҙмәткәрҙәре уратып алғаны күренә, автомобилдең артҡы тәҙрәһе ватылған.

Хоҡуҡ һаҡлау органдары хеҙмәткәрҙәре һәм граждандар зыян күрмәгән.

Зөлфиә Ғарифуллина әҙерләне.

Фото: комитет видеоһынан скриншот