Пандемиянан ҡурҡып тормай өйләнешкәндәр

Кейәүҙәр һәм кәләштәр яңы коронавирус пандемияһынан ҡурҡып тормаған, битлек һәм бирсәткә кейеп, Халыҡ-ара ғаилә көнөндә үҙҙәренең тәүге ғаилә документын алырға килгән.

«Коронавирус инфекцияһының таралыуына юл ҡуймаҫ өсөн ЗАГС бүлексәләрендә сикләү саралары күрелгән, никахтар ҡунаҡтарһыҙ теркәлә. Бөтә бәхетле парҙарға «Беҙ Халыҡ-ара ғаилә көнөндә өйләнештек» тигән ҡотлау открыткалары тапшырылды», – тип хәбәр иттеләр республика Юстиция эштәре буйынса дәүләт комитетының матбуғат хеҙмәтенән.

Зөлфиә Ғарифуллина әҙерләне