Йәйҙең бер көнө йылды туйҙыра

Йәйҙең тәүге ун көнөндә 1200 га люцернаның 400 гектары сабылған. Тәүгеләрҙән булып районда мал аҙығын «Северная Нива Башкирия» йәмғиәтендә әҙерләй башланылар. Хужалыҡта 900 га сенаж һалынған.

– Быйыл мал аҙығы культуралары бөтә төр хужалыҡтарҙа 12 614 га майҙан биләй, шул иҫәптән ауыл хужалғы тауарҙары етештереүселәрҙә – 11 584 га.

Шуларҙың 8 800 гектары – күп йыллыҡ үләндәр, 1171 га – бер йыллыҡтар, силосҡа кукуруз – 1613 га биләй, – тип хәбәр иттеләр муниципаль район хакимиәтенең ауыл хужалығы хеҙмәтенән.

Малдарҙы ҡышлатыу өсөн бөтә төр хужалыҡтарҙа 16 200 т бесән, 14 500 т сенаж һәм 18 295 т иген фуражы әҙерләргә кәрәк.

План буйынса бер баш малға 22, 2 ц мал аҙығы етештереү күҙаллана.

#Бәләбәй хәбәрҙәре#яңылыҡтар#йәйҙең бер көнө