Яңы уҡыу йылына әҙерләнергә ярҙам итәйек

Уны Башҡортостан Республикаһының Ғаилә, хеҙмәт һәм халыҡты социаль яҡлау министрлығы ойоштора. 31 авгусҡа тиклем дауам итәсәк сараның маҡсаты – ауыр тормош хәлендә ҡалған ғаиләләргә балаларын яңы уҡыу йылына әҙерләргә ярҙам итеү.

Иғтибар итегеҙ: канцелярия тауарҙары, дәфтәр, ручка, ҡәләм, альбом һәм башҡалар яңы килеш кенә ҡабул ителә. Портфелдәр, мәктәп формаһы, дәреслектәр, әҙәби китаптар – яңы булмаһа, таҙа, һәйбәт торошта булырға тейеш.

Ярҙам Хеҙмәт һәм халыҡты социаль яҡлау министрлығы ҡарамағындағы халыҡҡа социаль ярҙам күрһәтеү учреждениеларында иҫәптә торған ғаиләләргә тапшырыласаҡ.

Изге саранан ситтә ҡалмайыҡ!