2021 йылда Нәжиб (Николай) Асанбаевҡа 100 йыл тула (1921-2013). Ул – Башҡортостандың халыҡ яҙыусыһы, Салауат Юлаев исемендәге республика премияһы лауреаты, РСФСР-ҙың атҡаҙанған мәҙәниәт хеҙмәткәре, күренекле башҡорт прозаигы, шағир, драматург, Бөйөк Ватан һуғышында ҡатнашыусы, йәмәғәт эшмәкәре.
Иң билдәле әҫәрҙәре – беренсе совет дипломаты Кәрим Хәкимов һәм Әхмәтзәки Вәлиди тураһында «Ҡыҙыл паша», «Көҙән башҡорто» драмалары, «Рәйсә», «Фәйзи» пьесалары.