Шипкән өлгөргән

Хужалыҡ баҫыуҙарында шипкән өлгөргән, ул 1257 га ер биләй. Бөгөнгә 500 га тирәһе йыйылған.

– Был перспективалы майлы культура һауа шарттарына тотороҡло, әммә үҫтереү агротехникаһына талапсан, шуға ул әле республиканың 9-10 районында ғына үҫтерелә, шул иҫәптән беҙҙең Бәләбәй районында, – тип хәбәр иттеләр муниципаль район хакимиәтенең ауыл хужалығы хеҙмәтенән.

Тиҙҙән райондың ауыл хужалығы эшсәндәре арыш сабырға төшәсәк. Ужым культуралары 8657 га майҙанда сәселгән, шул иҫәптән бойҙай – 1684, арыш – 5330, тритикале – 390 га.

Яҡынса август урталарында яҙғы культураларҙы йыя башлаясаҡтар, уларҙың дөйөм майҙаны – 18 043 гектар.

Римма Солтанова материалы буйынса Зөлфиә Ғарифуллина әҙерләне.

Илгиз Нәсифуллин фотоһы