Республиканың төп аграр вузы юбилейын билдәләй

Башҡортостан ауыл хужалығы институты СССР Үҙәк Башҡарма Комитеты һәм Халыҡ Комиссарҙары Советының 237-се ҡарары нигеҙендә 1930 йылдың 23 июлендә асыла. 1993 йылда Рәсәй Федерацияһының Фән, юғары мәктәп һәм технологик сәйәсәт министрлығының 23-сө ҡарары нигеҙендә 1993 йылдың 15 февралендә университет статусы ала.

Уҡыу йортонда агротехнология һәм урман хужалығы, биотехнологиялар һәм ветеринар медицина, механика, тәбиғәтте төҙөкләндереү һәм төҙөлөш, энергетика, аҙыҡ-түлек технологиялары, иҡтисад факультеттары бар.

2008 йылдан Башҡорт дәүләт аграр университетын Башҡортостан Республикаһының атҡаҙанған фән эшмәкәре, техник фәндәре докторы, профессор Илдар Исмәғил улы Ғәбитов етәкләй.