«Башҡортостан йәштәре йыйыны» уҙҙы

Быйыл «Йәштәр сәйәсәте лигаһы» төбәк йәмәғәт ойошмаһы Бөтә донъя башҡорттары ҡоролтайы һәм Башҡортостандың Йәштәр сәйәсәте һәм спорт министрлығы менән берлектә ҙур сара ойошторҙо.

«Башҡортостан йәштәре йыйыны» төбәк-ара белем биреү һәм мәҙәни форумы Башҡортостандан ғына түгел, ә Волга буйы федераль округындағы 18-ҙән 30 йәшкә тиклемге әүҙем йәштәрҙе берләштерҙе. Форум 11 августан 13 авгусҡа тиклем үтте, унда мәҙәниәт, мәғариф эшмәкәрҙәре, студенттар, йәш белгестәр ҡатнашты.

Йыйында ике тиҫтә самаһы эксперт эшләне, бер нисә профилле платформа ойошторолдо, күңел асыу һәм халыҡ уйындары, халыҡ кәсептәре күргәҙмәһе булды.

Ижади конкурстар еңеүселәре ҡатнашлығында гала-концерт уҙҙы. Шулай уҡ башҡорт һәм рус эстрадаһы йондоҙҙары концерт ҡуйҙы һәм бейеү флешмобы үткәрҙе.

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73