Легендар снайперға һәйкәл ҡуйылды

Өфөлә Советтар Союзы Геройы, снайпер Наталья Ковшоваға һәйкәл асылды. Ҡойоп ямғыр яуыуына ҡарамаҫтан, уны асыу тантанаһын кисектермәҫкә булдылар. Был дата тарих өсөн иҫтәлекле: 1942 йылдың 14 авгусында беҙҙең яҡташыбыҙ яуҙашы Мария Поливанова менән Новгород өлкәһендә һуғышҡа инә.

Снайпер Наталья Ковшова көстәр тигеҙ булмаған көрәштә һәләк була. Ул 130-сы уҡсылар дивизияһының 528-се уҡсылар полкы снайперы була. Уның иҫәбендә – 167 фашист һалдаты һәм офицеры. Октябрь районының һуғыш һәм хеҙмәт ветерандары, ошо биләмәлә йәшәгәндәр һәйкәлде асыу тантанаһына килде.

Һәйкәл 155-се лицей ихатаһына урынлаштырылды. Скульптура өҫтөндә рәссам Хәлит Ғәлиуллин тырышып эшләгән. Тирә-яҡта снарядтар шартлаған фонда винтовканы ҡыҫып тотҡан, ҡурҡыу белмәҫ ҡыҙ үткер ҡарашын алыҫҡа төбәгән... Композицияның өҫкө яғында – Советтар Союзы Геройы йондоҙо. Оҙаҡламай 155-cе лицей легендар снайперҙың исемен йөрөтәсәк.

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73