Республикабыҙҙың ете белем биреү ойошмаһы Рәсәй Президенты грантына эйә булды

Грантҡа эйә булғандар исемлегендә алты балалар баҡсаһы (Өфөнән – өс, Бөрөнән – бер һәм Стәрлетамаҡтан – ике) һәм Республика психологик-педагогик, медицина һәм социаль ярҙам үҙәге бар.

Социаль ойошма «Бер-беребеҙгә ҡаршы» проектын тәҡдим иткән. Ул ауылда йәшәгән мөмкинлектәре сикләнгән балаларҙың тормошон еңеләйтеүгә йүнәлтелгән. Бындай ғаиләләргә психологик һәм педагогик ярҙам күрһәтелә. «Республика психологик-педагогик, медицина һәм социаль ярҙам үҙәгенә һәр ғаилә мөрәжәғәт итә ала», – ти ойошма директоры Ләйсән Ғайсина. Үҙәктә дистанцион рәүештә лә тикшеренеү үтергә мөмкин. Бының өсөн урындағы бүлексәнең электрон адресына кәрәкле документтарҙы ебәрергә кәрәк.