Һеҙ гриптан прививка яһаттығыҙмы әле?

Министр әйтеүенсә, быйыл республикала бөтәһе 2 миллион кешегә прививка яһау планлаштырыла. 516 мең миҡдарҙағы вакцинаның беренсе партияһын 25 сентябргә тамамлау көтөлә.

Прививка балаларға 6 айҙан башлап, уҡыусыларға, студенттарға, шул иҫәптән медиктарға, торлаҡ-коммуналь хужалыҡ, транспорт, мәғариф хеҙмәткәрҙәренә, 60 йәштән ололарға, йөклө ҡатын-ҡыҙҙарға яһалырға тейеш.

Вакцина яһатыу гриптан иң яҡшы һаҡланыу сараһы булып иҫәпләнә. Ләкин иҫкәртеү һәм шәхси гигиена сараларын да үтәргә кәрәк. Ошондай ябай иҫкәртеү саралары иҫәбендә – А, В, С һәм Д витаминдарын ҡабул итеү, елләтеү, бина эсен еүеш сепрәк менән һөртөп тороу, дөрөҫ туҡланыу һәм йоҡлау режимы, шулай уҡ спорт менән шөғөлләнеү.