Башҡорт теле уҡытыусылары йыйын уҙғара

Ул Башҡорт теле йылы сиктәрендә үткәрелә. Форум Башҡортостан Республикаһы Хөкүмәте, Мәғариф һәм фән министрлығы, Бөтә донъя башҡорттары ҡоролтайы тарафынан ойошторола.

Сараның төп маҡсаты – башҡорт телен популярлаштырыу, Башҡортостан Республикаһы һәм Рәсәй төбәктәрендә телде уҡытыу шарттарын яҡшыртыу, башҡорт телен дәүләт теле булараҡ киңерәк ҡулланыу мөмкинлектәрен барлау.

Форумда республиканың һәм Рәсәй төбәктәренең башҡорт теле һәм әҙәбиәте уҡытыусылары, район һәм мәктәптәренең методик ойошмалары етәкселәре, Башҡортостандың һәм Рәсәй төбәктәренең инновацион дөйөм белем биреү ойошмалары директорҙары, профессиональ һәм юғары белем биреү учреждениеларының башҡорт теле уҡытыусылары, район һәм ҡала мәғариф идаралыҡтарының туған телдәр өсөн яуаплы белгестәре һәм методистары ҡатнашасаҡ.

Сарала республиканан һәм Рәсәй төбәктәренән йәмғеһе 250 кеше ҡатнашыуы көтөлә.

Беҙҙең Бәләбәй районынан форумда Башҡорт гимназия-интернатынан Тәнзилә Мәүлиева менән 15-се урта мәктәптән Әлмирә Фәйзуллина ҡатнаша.