1 октябрь – Оло йәштәгеләр көнө

Был дата 1991 йылда Берләшкән Милләттәр Ойошмаһының Генераль Ассамблеяһы ҡарарына ярашлы барлыҡҡа килә. Рәсәйҙә ул 1992 йылдан билдәләнә. Ул оло йәштәге кешеләргә иғтибарҙың, уларҙың хеҙмәттәрен таныуҙың, рәхмәт белдереүҙең һәм өлкән быуынға ихтирам күрһәтеүҙең айырым көнө ул. Байрамдың маҡсаты – оло йәштәгеләрҙең проблемаларына йәмәғәтселек иғтибарын көсәйтеү, өлкәндәрҙе әүҙем тормошҡа йәлеп итеү өсөн саралар күреү.

Ғәҙәттәгесә, республиканың район-ҡалаларында бөгөн өлкән быуын вәкилдәрен тәбрикләү тантаналары үтә, мәҙәни программалар, байрам табындары ойошторола.