Торлаҡ һатып алыу өсөн 250 мең һум биреү ҡағиҙәләре раҫланды

Башҡортостан хөкүмәте премьер-министры Андрей Назаров аҡса түләү тәртибе тураһындағы ҡарарға ҡул ҡуйҙы. Тейешле документ 17 октябрҙә Башҡортостан Республикаһының рәсми хоҡуҡи мәғлүмәт интернет-порталында баҫылған.

Исем-фамилияһы яҙылған таныҡлыҡ өс йылға тапшырыла. Ҡарарҙа таныҡлыҡ алыу өсөн кәрәкле бөтә документтар күрһәтелгән. Уны фатир, бүлмә, шәхси йорт (шул иҫәптән төҙөлә башлаған) һатып алыу өсөн иғәнә итеп тотонорға ярай. Шулай уҡ йорт һалырға, ипотеканы түләргә, ер һатып алырға мөмкин. Күсемһеҙ милек Башҡортостан биләмәһендә булырға тейеш.