Өфө зоопаркын ҡала эсендә төҙөргә булғандар

«Фекер алышыу барышында зоопаркты ҡала эсендә төҙөү яҡшыраҡ булыр, тигән һығымтаға килдек. Ҡалала йәшәүселәргә лә, Өфөгә ҡунаҡҡа килгәндәргә лә барып етеү еңелерәк булыр. Иң мөһиме, бындай проектты ике-өс йылда тормошҡа ашырырға мөмкин», – тине Назаров.

Тәүҙә зоопаркты Өфө агломерацияһында урынлаштырыу планлаштырылғайны, инфраструктура ҡатмарлыҡтары арҡаһында уны төҙөү өсөн 10-15 йыл кәрәк булыр ине. Ә ҡала эсендәге зоопаркты ике-өс йылда бойомға ашырырға була. Урынды киләһе аҙнала уҡ һайлайҙар, тип хәбәр итте Андрей Назаров.